Бейсенбі, 23 Қаңтар 2020
Қала аумағы 75,88 км2., тұрғындар саны 172,2 (1.01.2018 ж.), 70-тен астам ұлт және ұлыс өкілдері тұрады.

Атқарылған жұмыстар бойынша ақпарат

«Талдықорған  қаласының   жұмыспен қамту, әлеуметтік

бағдарламалар және   азаматтық хал  актілерін  тіркеу бөлімі» мемлекеттік  мекемесінің 2019  жылдың 01 қарашасына атқарған    жұмыстары   туралы  
АҚПАРАТ

 

         Қала халқының саны 173,4 мың адамды құрады. 

        «Талдықорған  қаласының жұмыспен  қамту,  әлеуметтік  бағдарламалар  және  азаматтық хал  актілерін  тіркеу  бөлімі» мемлекеттік   мекемесі және   «Алматы  облысы Талдықорған қаласы  әкімдігінің халықты  жұмыспен қамту орталығы» коммуналдық мемлекеттік  мекемелеріне    2019 жылдың 1 қарашасына 4773 жұмыссыз азаматтар хабарласты. Осы  хабарласқан  азаматтардың  ішінен  4620 адам  тұрақты  жұмыспен   қамтылды.

 Жұмысқа  орналастырылғандар деңгейі  96,8 %, тіркелген  жұмыссыздық  деңгейі 0,3 пайызды  құрады.     

          Экономикалық белсенді тобының ішіндегі жалпы жұмыссыздық деңгейі 4,4 пайыз.

           2019 жылға 4884 жаңа  жұмыс  орындарын  ашу жоспарланып, бүгінгі күнге 4884  жаңа жұмыс орны ашылды, құрылыс- 2302, ауыл  шаруашылық -2, сауда - 291,  басқа   түрлері – 606, маусымдық   және  уақытша -1683  (жоспардың орындалуы 109,0 пайыз).

       2019 жылға қоғамдық  жұмысқа 1100 адамды жолдамамен  жіберу жоспарланып, 1111 жұмыссыз азаматтар жолдамамен  жіберілді, оның ішінде  ҚБ «Ерлік»-10 адам, «Қазақ соқырлар  қоғамы»  ҚБ- 6 адам, «Байтерек» ҚБ - 6 адам, «Корпоративтік  фонд  Қазақ  соқырлар  қоғамында» - 8 адам.

       2019 жылдың 1 қарашасына 257 мүмкіндігі  шектеулі  азаматтар хабарласып, оның ішінде  108 - адам  тұрақты  жұмыс  орындарына, 30 - адам кәсіби  оқу, қайта  даярлауға, кәсіпкерлікті  дамыту -2 адам, грант  - 6 адам, кредит-3 адам, 1- адам әлеуметтік  жұмыс  орындарына, 2- адам  жастар  тәжірибесіне, 107 - адам  қоғамдық  жұмыстарға жолдамамен  жіберілді.          

         Ағымдағы  жылдың  басынан  атаулы әлеуметтік  көмекпен                      5358  отбасы, 20841 отбасы мүшелері, мемлекеттік  әлеуметтік  көмек  2 353,2  млн. теңге  тағайындалып  төленді. 1 адамға орташа төлемі  11291  теңгені құрады.

                   Тұрғын үй көмегімен  571  отбасы, оның ішінде 1095  отбасы мүшелерімен  14,7  млн. теңге сомасында қамтамасыз етілді.  

 Жыл  басынан 63 түберкулез індетімен ауратын азаматтарға 4,9 млн. теңге қаражат  төленді.

Мүгедек   балаларды   үйде тәрбиелеп,  оқытатын отбасыларына төленетін әлеуметтік көмек  170 балаларға 6,3 млн. теңге тағайындалып төленді.

         Алматы облысы Талдықорған  қаласы  әкімдігінің  халықты  жұмыспен қамту орталығы» коммуналдық  мемлекеттік  мекемесі жастардың әл-ауқатын жақсарту, жұмыссыздық деңгейін төмендету, бос жұмыс орындары туралы ақпаратты ұсыну мақсатында 2019 жылдың 04 сәуір айында «Өңіраралық бос жұмыс орындары» жәрмеңкесі,  27 мамыр айында мүмкіндігі шектеулі азаматтарға арналған жәрмеңкесі өткізілді.  Өткізілген іс шараға барлығы 374 адам қатысып, 1865 бос жұмыс орны ұсынылды. Жәрменкеге 70 жұмыс берушілер қатысып, 18 адам жұмыспен қамтылып, 69 адам  қайта даярлау курстарына жолдама алды, 14 адам қоғамдық жұмысқа  жолдамамен қамтылды, кеңес алғандар саны  253 адамды құрады.

          Талдықорған қаласындағы мүгедектердің құқықтарын қамтамасыз ету және өмір сүру сапасын жақсарту жөніндегі іс-шаралар жоспарының жүзеге асыруда, әлеуметтік инфрақұрылым мекемелерде мүгедектерге арналған пандустар орнатылды.  Қазіргі таңда салынып, қолданысқа беріліп жатқан ғимараттардың барлығы мүмкіндігі шектеулі азаматтарға кедергісіз кіріп-шығуына пандустар салынған. Қалада әлеуметтік, көліктік және рекреациялық инфрақұрылым нысандарына пандустар құру, қайта құру  жұмыстары атқарылуда.

Қала    бойынша   мүмкіндігі шектеулі    азаматтарды тасымалдау        үшін 2  «Инватакси»   қызметі  жұмыс жасайды, 11 арнайы автокөлік мүмкіндігі шектеулі азаматтарды тасмалдайды.  «Инватакси» диспечерлік қызметі күніне 65-70 адам, айына 1400 адамға дейін қабылдайды.  

Қазақстан Республикасының денсаулық сақтау және әлеуметтік даму министрлігінің «Мүгедектерді оңалтудың кейбір мәселелері туралы» бұйрығына сәйкес мүгедектерге арналған оңалту бағдарламасын іске асыру мақсатында гигиеналық құралдармен 578 адам, санаторлық-курорттық жолдамамен 258 адам, тифлоқұралдар 14 адам, сурдоқұралдармен 33 адам, протездік-ортопедиялық бұйымдармен 38 адам қамтамасыз етілді, қол арбамен 53 адам.    Жүріп   тұруы  қиын  1  топтағы   582   мүгедекке   жеке  көмекшінің  қызметі, 114  мүгедекке ымдау маманының қызметі ұсынылды.

1995 жылдың 28 сәуіріндегі № 2247 «Ұлы Отан соғысының ардагерлері мен мүгедектеріне және оларға теңестірілген тұлғаларды әлеуметтік қорғау және жеңілдіктер туралы» Қазақстан Республикасының Заңына сәйкес  Ұлы Отан соғысының ардагерлері мен мүгедектеріне үнемі әлеуметтік көмектер көрсетіліп тұрады.

Қалалық мәслихат шешімімен бекітілген  «Талдықорған     қаласының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидаларын бекіту туралы»  негізінде  17 Ұлы Отан соғысының мүгедектеріне және ардагерлеріне тұрғын үй коммуналдық қызметтеріне 2,4 млн. теңге бөлініп  ай сайын 7575 теңге жеңілдіктер  төленеді.      

Қала бойынша 325 ауған соғысының ардагерлеріне, 15 ақпан – Ауғаныстаннан кеңес әскерін шығарған күніне біржолғы материалдық көмек 15,5  млн. теңге бөлініп, 70000 теңгеден төленді.

Чернобыль апатына  қатысушыларына,  26 сәуір -  Чернобыль  апатының     күнініне    101 адамға  5,0  млн. теңге   материалдық көмек көрсетілді, әр қайсысына  50000 теңгеден төленді. 

          Әлеуметтік көмек  көрсету бөлімшесінде қазіргі таңда 251 адам тіркеуге  алынып, арнаулы әлеуметтік қызмет көрсетіледі.  Қызмет көрсетілетін адамдар ішінде 1 адам Ұлы Отан соғысының мүгедегі мен  ардагерлері, 105 адам  тылда еңбек еткендер, 17 адам 1,2 топ  мүгедегі, Ұлы Отан соғысына қатысып, қайтыс болғандардың жесірлері 9 адам, 119 зейнеткерлер бар.

          Үйден  арнаулы  әлеуметтік көмек  көрсету бөлімшелерінде мүмкіндігі шектеулі 93 балаға әлеуметтік-тұрмыстық, әлеуметтік медициналық, әлеуметтік-педагогикалық, әлеуметтік–психологиялық, әлеуметтік экономикалық, әлеуметтік-құқықтық, әлеуметтік-мәдени, әлеуметтік еңбек қызметтің  түрлері көрсетіледі.

WhatsApp Талдыкорган: +7 776 215 0555

Если Вы стали свидетелем какого-либо нарушения в г. Талдыкорган - необоснованного ценообразования, нарушения правил дорожного движения, мест стихийных свалок мусора, обрывов линий электропередач и водопроводов, упавших деревьев и билбордов, появлению бродячих животных или административному правонарушению - обращайтесь на горячую линию посредством Вашего смартфона используя сервис WhatsApp.

Создано на платформе Alison CMS © 2011-2020. Авторские права защищены законодательством Республики Казахстан.
Дизайн и разработка сайта от компании Licon.