Сейсенбі, 23 Қазан 2018
Оңтүстік өнеркәсіптік аймағы, "Талдықорған" индустриялық аймағының бос алаңдары, дамыған өндірістік инфрақұрылымы, дамыған әлеуметтік инфрақұрылымымен ұштастырылған қолайлы су және экологиялық жағдайлары бар.

Атқарылған жұмыстар бойынша ақпарат

«Талдықорған қаласының жұмыспен қамту, әлеуметтік
бағдарламалар және азаматтық хал актілерін тіркеу бөлімі» мемлекеттік мекемесінің 2018 жылдың 01 қазанына атқарған
жұмыстары туралы ақпарат
 
Қала халқының саны 173,1 мың адамды құрады.
«Талдықорған қаласының жұмыспен қамту, әлеуметтік бағдарламалар және азаматтық хал актілерін тіркеу бөлімі» мемлекеттік мекемесі және «Алматы облысы Талдықорған қаласы әкімдігінің халықты жұмыспен қамту орталығы» коммуналдық мемлекеттік мекемелеріне 2018 жылдың 1 қазанына 5627 жұмыссыз азаматтар хабарласты. Осы хабарласқан азаматтардың ішінен 4850 адам тұрақты жұмыспен қамтылды.
Жұмысқа орналастырылғандар деңгейі 86,2%, тіркелген жұмыссыздық деңгейі 0,3 пайызды құрады.
Экономикалық белсенді тобының ішіндегі жалпы жұмыссыздық деңгейі 4,4 пайыз.
2018 жылға 3092 жаңа жұмыс орындарын ашу жоспарланған, бүгінгі күнге 3144 жаңа жұмыс орны ашылды, ауыл шаруашылық – 4, құрылыс- 2102, сауда-213, білім- 262 басқа түрлері - 563 (жоспардың орындалуы 101,7 пайыз).
2018 жылға қоғамдық жұмысқа 1300 адамды жолдамамен жіберу жоспарланған, бүгінгі күнге 924 жұмыссыз азаматтар жолдамамен жіберілді, оның ішінде ҚБ «Ерлік»-12 адам, «Қазақ соқырлар қоғамы» ҚБ-12 адам, «Байтерек» ҚБ - 10 адам, «Корпоративтік фонд Қазақ соқырлар қоғамында» -
12 адам.
2018 жылдың 1 қазанына 196 мүмкіндігі шектеулі азаматтар хабарласып, оның ішінде 97 адам қоғамдық жұмыстарға, 4 адам жастар тәжірибесіне, 41 адам кәсіби оқуға жолдама алды, әлеуметтік жұмыс орындарына - 2, адам, 5 адам шағын несие, 47 адам тұрақты жұмысқа орналасты.
Жыл басынан жұмыссыз азаматтарға, аз қамтамасыз етілген отбасына, жастарға, мүмкіндігі шектеулі азаматтарға 7 бос жұмыс орындары жәрмеңкесі өткізілді (21.02.2018 ж., 13.03.2018 ж., 17.05.2018 ж., 22.05.2018 ж., 15.06.2018 ж, 19.07.2018 ж.,19.09.2018ж.).
2018 жылдың 21 ақпанында «Жастарға қызмет көрсету орталығында» өңіраралық бос жұмыс орындар жәрмеңкесі ұйымдастырылып, Солтүстік Қазақстан облысының жұмыс берушілерінен 1162 бос жұмыс орындары ұсынылды.
Жәрмеңкенің жұмысына 370 жұмыссыз азаматтар және басқа облыстарға көшуге ниет білдіруші азаматтар қатысып, 173 адам толық мәліметтер алды.
2018 жылдың 13 наурызында қалалық Тұрғын үй коммуналды шаруашылығы бөлімінің мәжіліс залында, Оңтүстік Қазақстан, Қостанай, Павлодар облысының жұмыспен қамту орталығы мамандары мен жұмыс берушілерінің қатысуымен өңіраралық бос жұмыс орындар жәрмеңкесі өткізілді.
2018 жылдың 17 мамырында «Алматы облысы Талдықорған қаласының халықты жұмыспен қамту орталығы» коммуналдық мемлекеттік мекемесі І.Жансугуров атындағы Жетісу мемлекеттік университетінің жас түлектеріне «Нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған бағдарламасының» үшінші бағыты бойынша жастар практикасы бойынша бос жұмыс орындары жәрменкесі өткізіліп, кеңес берілді.
2018 жылдың 22 мамырында «Алматы облысы Талдықорған қаласының халықты жұмыспен қамту орталығы» коммуналдық мемлекеттік мекемесі, Жастарға қызмет көрсету орталығымен бірлесе аз қамтылған отбасыларына бос жұмыс орындары жәрменкесі өткізілді.
Жәрменкеге Талдықорған қаласының 2 жоғары оқу орындары, 5 мемлекеттік емес ұйымдар, 17 жұмыс беруші кәсіпорындар «Алматинские краски» ЖШС, «Шымыр тас» ЖШС, «Құдайбергенов» ЖК және т.б. кәсіпорындардың өкілдері қатысты. Жәрменкеге 257 адам қатысты, жұмысқа орналасу сұрақтарымен 239 адам кеңес алды,
Жастар тәжірибесіне жоғары, орта оқу орындарын бітірген 23 түлектерге, әлеуметтік жұмыс орындарына 3 адамға, қайта даярлау курстарына 32 адамға, тұрақты жұмысқа орналасуға 31 адамға жолдамалар берілді, оның ішінде 3 адам мүмкіндігі шектеулі азаматтар.
2018 жылдың 15 маусымында Ә. Жолдасбеков атындағы заң және экономика институтында жоғары және орта оқу орындарын бітірген жас түлектерге арналған бос жұмыс орындары жәрменкесі ұйымдастырылды, жәрменкеге 129 жас түлектер қатысты.
2018 жылдың 19 шілдесінде қалалық Тұрғын үй коммуналды шаруашылығы бөлімінің мәжіліс залында, Солтүстік Қазақстан, Павлодар облысының жұмыспен қамту орталығы мамандары мен жұмыс берушілерінің қатысуымен өңіраралық бос жұмыс орындар жәрмеңкесі өткізілді.
2018 жылдың 19 қыркүйегінде Өтенай ауылдық округінің Мәдениет үйінде «Алматы облысы Талдықорған қаласының халықты жұмыспен қамту орталығы» КММ-сі және Көксу, Ескелді, Ақсу, Қаратал, Сарқан, Алакөл аудандары және Текелі қаласы тұрғындары арасында Шығыс Қазақстан облысының жұмыс берушілерінің қатысуымен өңіраралық бос жұмыс орындар жәрмеңкесі өткізілді. Бағдарламаның үшінші бағыты шеңберінде жаңа тұрғылықты жерге азаматтардың ерікті түрде қоныс аударуына жәрдемдесу үшін Шығыс Қазақстан облысының жұмыс берушілерден 259 адамға бос жұмыс орындарын ұсынылды. Жәрменкеге 183 адам қатысып, 78 адамға кеңес берілді.
2018 жылдың 23 мамырында қасиетті Рамазан айына Алматы облыстық прокуратурасы аз қамтылған, жалғыз басты 9 отбасына қайырымдылық көмек қөрсетті (азық- түлік, киімдер, аяқ-киім, тоңазытқыш және т.б), Алматы облыстық соты 8 мүмкіндігі шектеулі балаларға қайырымдылық көмек қөрсетті (азық- түлік, киімдер, ойыншықтар және т.б.).
Аз қамтылған отбасыларды әлеуметтік жағынан қолдау ретінде мемлекет тарапынан жаңа нысандағы атаулы әлеуметтік көмек тағайындалып отыр.
2018 жылдың 1 қазанына 1766 отбасыларға, 7478 отбасы мүшелеріне, мемлекеттік әлеуметтік көмек 303,1 млн. теңге төленді. 1 адамға орташа төлемі 4609 теңгені құрады.
2018 жылдың 1 қазанына тұрғын үй көмегімен 711 отбасы, оның ішінде 1252 отбасы мүшелерімен 22,1 млн. теңге сомасында қамтамасыз етілді.
Жыл басынан 112 түберкулез індетімен ауратын азаматтарға 7,4 млн. теңге тағайындалып төленді.
Мүгедек балаларды үйден оқыту бағдарламасы бойынша 156 балаларға 9,6 млн. теңге тағайындалып төленді.
Талдықорған қаласындағы мүгедектердің құқықтарын қамтамасыз ету және өмір сүру сапасын жақсарту жөніндегі іс-шаралар жоспарының жүзеге асыруда, әлеуметтік инфрақұрылым мекемелерде мүгедектерге арналған пандустар орнатылды. Қазіргі таңда салынып, қолданысқа беріліп жатқан ғимараттардың барлығы мүмкіндігі шектеулі азаматтарға кедергісіз кіріп-шығуына пандустар салынған. Қалада әлеуметтік, көліктік және рекреациялық инфрақұрылым нысандарына пандустар құру, қайта құру жұмыстары атқарылуда.
Қала бойынша мүмкіндігі шектеулі азаматтарды тасмалдау үшін 2 «Инватакси» қызметі жұмыс жасайды, 10 арнайы автокөлік мүмкіндігі шектеулі азаматтарды тасмалдайды. «Инватакси» диспечерлік қызметі күніне 65-70 адам, айына 1400 адамға дейін қабылдайды.
Қазақстан Республикасының денсаулық сақтау және әлеуметтік даму министрлігінің «Мүгедектерді оңалтудың кейбір мәселелері туралы» бұйрығына сәйкес мүгедектерге арналған оңалту бағдарламасын іске асыру мақсатында гигиеналық құралдармен 854 адам, санаторлық-курорттық жолдамамен 375 адам, кресло-арбамен 157 адам, сурдо-құралдармен 213 адам, тифло-құралдармен 161 адам, протездік-ортопедиялық бұйымдармен 294 адам қамтамасыз етілді. Жүріп тұруы қиын 1 топтағы 551 мүгедекке жеке көмекшінің қызметі, 117 мүгедекке ымдау маманының қызметі ұсынылды.
1995 жылдың 28 сәуіріндегі № 2247 «Ұлы Отан соғысының ардагерлері мен мүгедектеріне және оларға теңестірілген тұлғаларды әлеуметтік қорғау және жеңілдіктер туралы» Қазақстан Республикасының Заңына сәйкес Ұлы Отан соғысының ардагерлері мен мүгедектеріне үнемі әлеуметтік көмектер көрсетіліп тұрады.
Ұлы Отан соғысының 73-ші жылдық Жеңісін мерекелеу қарсаңында 24 Ұлы Отан соғысының қатысушылары мен мүгедектеріне біржолғы материалдық көмек 150,0 мың теңгеден материалдық көмек көрсетілді.
Қалалық әкімшілік және қаладағы мекемелер ардагерлерді үйден құттықтады. 24 ардагерге азық-түлік салынған пакеттер тапсырылды.
Ағымдағы жылдың 4 мамыр күні облыс әкімі Ұлы Жеңістің 73 - жылдығына арналған қабылдауына Талдықорған қаласынан 56 Ұлы Отан соғысының ардагерлерін және тыл ардагерлерін қабылдап, «Заңғар» мейрамханасында мерекелік дастархан жайды.
Қала әкімі 120 Ұлы Отан соғысының ардагерлеріне және тыл еңбеккерлеріне «Заңғар» мейрамханасына мерекелік дастархан ұйымдастырып, концерттік бағдарламалар өткізді. Ардагерлерге азық-түлік салынған пакеттер тапсырылды.
9 мамырда мәңгілік сөнбес отқа гүл шоғы қойылды және ҰОС ардагерлері мен тыл еңбеккерлеріне әскери тамақ берілді.
Қала бойынша 325 ауған соғысының ардагерлеріне, 15 ақпан – Ауғаныстаннан кеңес әскерін шығарған күніне біржолғы материалдық көмек 15,5 млн. теңге бөлініп, 50 мың теңгеден төленді.
Әлеуметтік көмек көрсету бөлімшесінде қазіргі таңда 262 адам тіркеуге алынып, арнаулы әлеуметтік қызмет көрсетіледі. Қызмет көрсетілетін адамдар ішінде 1 адам Ұлы Отан соғысының мүгедегі мен ардагерлері, 94 адам тылда еңбек еткендер, 18 адам 1,2 топ мүгедегі, Ұлы Отан соғысына қатысып, қайтыс болғандардың жесірлері 6 адам, 143 зейнеткерлер бар.
Үйден арнаулы әлеуметтік көмек көрсету бөлімшелерінде мүмкіндігі шектеулі 92 бала тіркеуде тұр, арнаулы әлеуметтік қызметтердің мынандай 8 түрлерін көрсетеді: әлеуметтік-тұрмыстық, әлеуметтік-медициналық, әлеуметтік-психологиялық, әлеуметтік-педагогикалық, әлеуметтік-экономикалық, әлеуметтік-құқықтық, әлеуметтік-мәдени, әлеуметтік-еңбек.
Әр ай сайын әлеуметтік қызметкерлер өздерінде немесе қызмет көрсетіп жүрген мүгедек балаланың ата – анасында туындаған психологиялық сұрақтары бойынша «SKYPE» программасы арқылы психологиялық консультация алады.
Наурыз айында «Еркін» мешіті «Арафат» кафесінде 10 балаға, «Мирас» мейрамханасы 15 балаға, «Самұрық» кафесі 25 балаға «Наурыз» мейрамына арналған дастархан жайып, наурыз көже берілді.
Наурыз мейрамына ЖШС «JLC сүт» сүт өнімдерін балаларға таратты.
«Рабия» сауда орталығы 18 балаға балкүлше (торт) берді. «Куликово» балмұздақ зауытының басшысы Салтыбаев Данияр Маратұлы 80 балаға балмұздақ таратты.
Балаларды қорғау күніне арнап «Тандор» шайханасы 10 балаға дастархан жайып шақырды. «Ислам» мешіті «Айт» мерекесіне арнап 30 баланы, «Нұр» мешіті 13 баланы азық-түлікпен, жеке кәсіпкер «Ляззат-2016» 15 баланы сүт тағамдарымен қамтамасыз етті. ЖШС «JLC сүт» сүт өнімдерін балаларға таратты.
2018 жылдың 25 тамызына дейін осы аталған бөлімшеге 8 бала тіркеуге алынды. «Бәйтерек» күндіз болу орталығына 10 баланың құжаттары рәсімделіп, жіберілді.



Ескі сайттың мұрағаты

WhatsApp Талдыкорган: +7 776 215 0555

Если Вы стали свидетелем какого-либо нарушения в г. Талдыкорган - необоснованного ценообразования, нарушения правил дорожного движения, мест стихийных свалок мусора, обрывов линий электропередач и водопроводов, упавших деревьев и билбордов, появлению бродячих животных или административному правонарушению - обращайтесь на горячую линию посредством Вашего смартфона используя сервис WhatsApp.

Создано на платформе Alison CMS © 2011-2018. Авторские права защищены законодательством Республики Казахстан.
Дизайн и разработка сайта от компании Licon.